“Peşə təmayüllü siniflərin təşkili” layihəsi çərçivəsində “Gənc aşpazlar” müsabiqəsi keçirilib.

Peşə Təhsili üzrə Dövlət Agentliyindən bildirilib ki, müsabiqənin məqsədi aşpaz köməkçisi peşə ixtisası üzrə təhsil alan şagirdlərin praktiki biliklərinin inkişaf etdirilməsi, komanda işinə uyğunlaşdırılması və nəzəri biliklərinin praktikada tətbiqi olub.

Müsabiqədə Hacıqabul rayon 5 saylı tam orta məktəbin “Dragon cooks”, Salyan rayon Sarvan kənd tam orta məktəbin “Little cooks”, Neftçala rayon Xıllı qəsəbə 1 saylı tam orta məktəbin “Sarıoğlu cooks”, Bakı şəhər 208 saylı tam orta məktəbin “Bakılı” komandaları iştirak edib. Münsiflər heyətinin qərarına əsasən, 1-ci yerə “Sarıoğlu cooks”, 2-ci yerə “Little cooks”, 3-cü yerə isə “Dragon cooks” komandası layiq görülüb.