Logo

Aqrar Universitetdə payız semestrinin imtahan sessiyası uğurla davam edir

18.01.2022 12:29 230 baxış
IMG

Azərbaycan Dövlət Aqrar Universitetində (ADAU) 2021/2022-ci tədris ilinin payız semestrinin yanvarın 5-də başlayan imtahan sessiyası uğurla davam edir. İmtahanlar test, yazılı və şifahi formada şəkildə təşkil olunub.

ADAU-dan "Tehsil.biz"ə verilən məlumata görə, bu günə qədər universitetdə 674 imtahan keçirilib.

Bunlardan 390 test, 112 yazılı, 172 şifahi imtahan olub.

Təhsil nazirinin müvafiq əmrinin tələbləri çərçivəsində təşkil olunan sessiya ərzində İmtahan Qərargahı və Apellyasiya Komissiyası fəaliyyət göstərir. Valideynlərin və ictimaiyyət nümayəndələrinin imtahan sessiyasında iştirakı təmin edilir.

Qeyd edək ki, ali təhsil müəssisəsində imtahanlar 764 qrup üzrə test, 212 qrup üzrə yazılı və 306 qrup üzrə şifahi formada keçirilir.

Xəbər lenti