Mərkəzin benefisiarları ilə pedaqoq-tərbiyəçilər, psixoloq və uşaq inkişaf mütəxəssislərinin hər bir üzvü məşğul olur, onların bütün ehtiyaclarını qarşılayırlar.
Günərzi mərkəzində çalışan hər bir işçi uşaqlara böyük qayğı və mərhəmətlə yanaşır, onların fiziki və əqli qabiliyyətlərinin inkişafı üçün müxtəlif tədbirlər keçirirlər. Birgə keçirilən ad günləri uşaqların xatirəsində dərin iz buraxır, onları bir-birinə daha da doğmalaşdırır.
Digər tərəfdən Qəbələ Dövlət Peşə Təhsil Mərkəzinin “Dayə” ixtisası üzrə təhsil alan tələbələri mərkəzdə praktiki istehsalat təlimləri keçir, nəzəri dərslərdən öyrəndiklərini təcrübədə tətbiq edirlər. Həmçinin qənnadçı, şirniyyatçı və aşpaz ixtisası üzrə təhsil alan tələbələr Mərkəzin yeməkxanasında uşaqlar üçün şirniyyat və yeməklərin hazırlanması prosesində iştirak edirlər.
