Azərbaycanda ali təhsil müəssisələrinin fəaliyyəti ilə bağlı yenilikləri özündə ehtiva edən yeni qanun layihəsi qəbul edilə bilər.

"Tehsil.biz"in Xezerxeber.az-a istinadən məlumatına görə, "Ali təhsil haqqında" qanun layihəsi üzərində işçi qrupu öz işini yekunlaşdırıb.

Artıq Milli Məclisin Elm və təhsil komitəsində müzakirələr də başlanıb.

"Ali təhsil haqqında" qanun layihəsində əsas müzakirə predmetlərindən biri ölkə universitetlərinin elmi-tədqiqat mərkəzlərinə çevrilməsidir. Tələbələri maraqlandıracaq daha bir məsələ isə dissertasiya işləri ilə bağlıdır.