Logo

Tələbə və şagirdlərdən tibbi arayış tələbi vacibdir? – VİDEO

11.09.2021 12:44 1317 baxış
IMG

Orta məktəbə, eləcə də ali məktəbə qədəm qoyanların yolu ilk olaraq poliklinikalardan keçir. Həm də günlərlə bu tibb müəssisəsinə gedib-gəlirlər. Məsələ isə budur ki, onlardan tələb olunan sağlamlıq arayışını əldə etmək üçün bir neçə müayinə və analizlərdən keçilməlidir. Bu da, nə az nə çox düz 2 gün onların vaxtını alır. Bu qədər uzun bir vaxta əldə olunan arayış həqiqətənmi bu qədər vacibdir? Yoxsa prosedur bir qədər də sadələşdirilə bilərmi?

Dərslər başlayır, valideynlər və tələbələr isə hələ də poliklinikalar ilə təhsil müəssisələri arasında qalıblar.

Bu gün təhsil müəssisələri həm birinci sinifə və hazırlıq qruplarına gedən uşaqlardan, həm də birinci kurs tələbələrindən onların qeydiyyatdan keçmələri üçün sağlamlıq arayışı tələb edirlər. Hansı ki, bu arayışı almaq üçün bir neçə müayinə və analizlərdən keçilməlidir. Bu da ciddi vaxt itkisinə gətirib çıxarır. Hətta bu sənədi əldə etmək üçün bəzən 1 iş günü də onlara kifayət etmir.

Həm valideynlər, həm də tələbələr hesab edir ki, prosedur əslində daha sadə olmalıdır.

Bəs sağlamlıq arayışının əldə olunması üçün həqiqətənmi bu qədər analiz və müaynələrə zərurət var? Prosedurun mürəkkəb olması fikri ilə razılaşmayan Milli Məclisin Səhiyyə Komitəsinin üzvü Müşfiq Məmmədli 2 günə belə bir sənədin verilməsinin normal olduğunu bildirdi. Millət vəkili həmçinin dedi ki, gələcəkdə səhiyyə sistemində aparılan islahatlarla arayışların verilməsini daha da sadələşdirmək olar.

Təhsil Nazirliyinin sektor müdiri Cəsarət Valehov isə xəzər xəbərə müsahibəsibdə qeyd etdi ki, əslində ali məktəbə daxil olan tələbələr sağlamlıq arayışı olmadan da qeydiyyatdan keçə bilərlər.

Təhsil müəssisələrinə qəbul üçün sağlamlıq arayışlarının sadələşdirilməsi ilə bağlı sualımıza isə həm Səhiyyə Nazirliyindən, həm də İcbari Tibbi Sığorta üzrə Dövlət Agentliyindən bildirildi ki, sözügedən məsələ onların səlahiyyətində deyil.

https://youtu.be/tNB0rpQMuKE

Xəbər lenti