Peşə təhsil müəssisələrinin idarəetməsində Türkiyə təcrübəsinin öyrənilməsi məqsədilə Peşə Təhsili üzrə Dövlət Agentliyinin nümayəndə heyəti Ankara şəhərində işgüzar səfərdə olub.
Tehsil.biz xəbər verir ki, səfər zamanı “Azərbaycan Respublikası Hökuməti ilə Türkiyə Respublikası Hökuməti arasında peşə təhsili sahəsində əməkdaşlığa dair Protokol” çərçivəsində həyata keçiriləcək əməkdaşlıq layihələri müzakirə edilib. Peşə təhsil müəssisələrinin idarəolunması, tədrisdə keyfiyyət təminatı və peşə məktəblərində istehsal və xidmətin təşkili mexanizmləri ilə yerində tanışlıq olub. Peşə təhsil müəssisələrində dayanıqlı maliyyə modelinin yaradılması ilə bağlı müzakirələr aparılıb.
Nümayəndə heyəti Türkiyə Respublikası Milli Təhsil Nazirliyi, Ankara Milli Təhsil İdarəsində görüşlər keçirib, qabaqcıl peşə təhsil müəssisələrində olub.
