Kanadada üç internat kilsə məktəbində bu günə qədər 1148 adsız uşaq məzarı aşkarlanıb.

“Qafqazinfo” xarici KİV-ə istinadən xəbər verir ki, bu qalmaqallar fonunda yeni iddia ortaya çıxıb.

Belə ki, Ontario ştatının Brentford şəhərindəki Mohavk İnternat Kilsə Məktəbində bəzi uşaq cəsədlərinin yandırıldığı bildirilib.

“Orada heç bir şey tapa bilməzlər. Çünki cəsədləri yandırdılar. O məktəbdən xilas olan birindən eşitmişəm, krematoriumda bir cəsədi yandıranda görüb. Atamdan da dəfələrlə hekayələrini dinlədim.

Həm də o zamanlar məktəb ərazisi 1200 hektardan çox imiş. İndilərdə 40 hektara qədərdir. Axtarsalar da, nə tapacaqlar ki?”, - qurbanların xatirəsinə həsr olunmuş yürüşə qatılanlardan biri bildirib.