““Yüksəliş” müsabiqəsi artıq Prezident İlham Əliyevin insan kapitalı siyasətinin alətlərindən birinə çevrilib”.
TƏHSİL.BİZ xəbər verir ki, bunu jurnalistlərə açıqlamasında gənclər və idman nazirinin müavini, “Yüksəliş” müsabiqəsinin İşçi Qrupunun rəhbəri Fərhad Hacıyev söyləyib.
O bildirib ki, bu il müsabiqəyə rekord sayda - 16 553 müraciət olub: “Bu gün finalda 4 mərhələdə bilik və bacarıqlarını sınayan 124 nəfər iştirak edir. Bu gün onların bilik və bacarıqları beynəlxalq validliyi təxminən 70-80% etibarlı olan sistemlə yoxlanılacaq”.
F.Hacıyev qeyd edib ki, bu il ilk dəfə olaraq kadrların ehtiyat bankı yaradılıb və insan resursları üzrə mütəxəssislər oraya müraciət edərək kadrları işə götürürlər.
