Türkiyənin Niğdə vilayətində, Adana-Niğdə şosesinin Güney kəndi ərazisində universitet tələbələrini daşıyan avtobus aşıb.
Tehsil.biz TRT-yə istinadən xəbər verir ki, avtobusun aşması nəticəsində 3 nəfər həyatını itirib, 41 nəfər isə yaralanıb.
Hadisə Türkiyə vaxtı ilə saat 4 radələrində baş verib.
Qəzanı törədən avtobus Adana-Konya marşrutu üzrə hərəkət edirmiş.
Hadisə yerinə polis, xilasedici və tibbi yardım briqadaları cəlb olunub. Yaralılar Niğdə, Bor, Ərəğli və Uluqışla xəstəxanalarına çatdırılıblar.